Sanna Magdalena Mörtudóttir

Það kemur í sjálfu sér ekki á óvart að Viðreisn gerist hækja gamla meirihlutans enda held ég að þessi flokkur sé í raun lítið annað en útibú frá Samfylkingunni. Það er því ekkert sérlega markvert.

Það sem er hins vegar markvert við þessar kosningar er að nýr öflugur stjórnmálaleiðtogi er fæddur. Það er Sanna Magdalena Mörtudóttir, leiðtogi sósíalista. Ég tek fram að ég er alveg ósammála henni um pólitík. En það er ekki annað hægt en dást að framgöngu hennar. Hún er ekki aðeins fær í að svara fyrir sig þegar að henni er sótt, hreinskilin hugsjónakona sem fórnar ekki hugsjónum sínum fyrir bitlinga líkt og Píratar og þannig lið. Hún er líka frábær penni. Ég hvet fólk til að lesa snilldarlega grein hennar á Kjarnanum í dag. Þar segir meðal annars:

"Malcolm X ­tal­aði um grund­vall­ar­mun­inn á hús­þrælum og þræl­unum út á akrin­um. Hús­þrælar voru nokkrir svartir þrælar sem fengu að búa í húsi þræla­hald­ar­ans, hvíta hús­inu á meðan aðrir þræl­uðu á akrinum og sváfu á beru mold­ar­gólf­inu í kof­aræksn­um. Hús­þræl­arnir sváfu á dýnum í kjall­ara hvíta húss­ins, fengu mat­ar­af­ganga af borði hús­bónd­ans, gengu í fötum af hús­bónd­an­um, þrifu hús­ið, sáu um mat­inn og gættu barna hús­bónd­ans.

...

Þegar þræl­arnir á akrinum litu til hvíta húss­ins ósk­uðu þeir hins vegar að það myndi brenna. Hvíta húsið var kúg­un­ar­vald­ið, valdið sem svipti þá frels­inu, nið­ur­lægði þá, vildi brjóta þá nið­ur. Þeir sungu bar­áttu­söngva og sálma til að við­halda von sinni um að losna undan kúgun hvíta húss­ins. Hús­þræl­arnir sungu ekki. Aldrei hef ég vitað til þess að neinn sálmur hafi verið sam­inn af hús­þræl. Hús­þræl­arnir reyndu að tala og hegða sér eins og hús­bænd­urn­ir.

...

Með því að hafna dýn­unni í kjall­ar­anum í hvíta hús­inu er ég ekki að hafna völd­um. Með því að hafna dýn­unni er ég tryggja að ég geti sótt mér vald og afl í bar­áttu ykk­ar. Það er bara ein leið til valda­leysis fyrir okkur þræl­ana á akrin­um, það er að yfir­gefa hóp­inn og ger­ast hús­þræll."

Svona eiga stjórnmálamenn að skrifa!

Eiga eftir að ræða verkaskiptingu

Það er auðvitað mikilvægt fyrir bændur að fá að greiða 480 milljónir

Það vill þannig til að Mjólkursamsalan er í eigu bænda og afrakstur af rekstrinum rennur til þeirra. Það hlýtur því að felast í því mikill ávinningur fyrir bændur þegar fyrirtæki þeirra er dæmt til að greiða hálfan milljarð króna.

Mikilvægt fyrir neytendur og bændur

Kosningasvindl Dags Eggertssonar

Það að Reykjavíkurborg sendi nýjum kjósendum bréf þar sem ranglega er fullyrt að þeim beri skylda til að kjósa og góðfúslega bent á þá flokka eina sem skipa núverandi meirihluta er auðvitað ekkert annað en kosningasvindl. Hafðar eru uppi blekkingar til að hygla vissum flokkum á kostnað annarra og fjármunir kjósenda eru notaðir til þess. Athugum að þetta bréf er ekki sent frá skrifstofu Samfylkingarinnar heldur frá ráðhúsinu.

Það er svo auðvitað fáheyrt að því sé haldið fram að bréf sem sent hefur verið þúsundum kjósenda sé trúnaðarmál!

 

 

Talað um skyldu til að kjósa

Þar fór Guð

Morgan Freeman er kannski þekktastur sem sérfræðingur í að leika Guð. Þar fór það.

Morgan Freeman biðst afsökunar

Verður líf fólks endilega betra?

Er það ekki svolítið gamaldags hugsun að hagvöxtur sé upphaf og endir alls?

Er það endilega svo að líf fólks verði betra ef það vinnur meira, jafnvel þótt það afli þannig meiri tekna?

Er ekki einmitt síaukinn þrýstingur á að minnka vinnutíma einmitt til þess að bæta lífsgæði fólks? 

Hefur umræðan um minnkandi þörf fyrir vinnuafl vegna sjálfvirknivæðingar alveg farið framhjá höfundum þessarar skýrslu?

Hafa þeir aldrei heyrt af áhyggjum margra af auknu atvinnuleysi vegna þessa og hugmyndum um lausnir á borð við borgaralaun til að mæta þeirri stöðu, komi hún upp?

Konur auka hagvöxt

Jæja!

Þetta er óneitanlega með því grófara sem maður hefur séð (ekki að það megi ekki búast við að slíkt hafi átt sér stað oft áður án þess að upp hafi komist). Í raun ótrúlegt að oddvitinn skuli láta sér detta í hug að vera svo óvarkár að láta komast upp um spillinguna með því að setja samskiptin öll í rekjanlegan tölvupóst.

Birtir samskipti oddvita við Vesturverk

Ætti að árangurstengja launin?

Hvernig væri að árangurstengja laun bæjarstjóra og bæjarfulltrúa? Til dæmis mætti miða við ýmsar kennitölur úr rekstri og gagnvart þjónustustigi. Búa til eins konar "balanced scorecard" og árangurstengja svo t.d. helming launanna hjá þeim sem stjórna?

Ætli laun Ármanns séu ekki bara tiltölulega hófleg þegar litið er til árangurs í rekstri, svona miðað við suma bæjarstjóra í stærri bæjarfélögum?

Segir tímasetninguna enga tilviljun

Að myrða mótmælendur

Það er engin leið að halda því fram að ríki sem beitir her sínum til að myrða mótmælendur - sem ofan í kaupið mótmæla áratuga kúgun, ólöglegu hernámi, landráni og þjófnaði sama ríkis - sé friðsamt lýðræðisríki. Það er það auðvitað ekki heldur er svona framferði nákvæmlega sambærilegt við fjöldamorðin á Torgi hins himneska friðar í Kína á sínum tíma.

Átta börn á meðal hinna látnu

Hvað um greiðslur fyrir að virkja?

Sé það ólöglegt að styrkja sveitarfélag til að greina mögulega kosti áður en ákvörðun er tekin um óafturkræfa framkvæmd, hvað þá með að bjóðast til að greiða fyrir hin og þessi viðvik og kannski gauka einhverju að verktakafyrirtæki sveitarstjórans eða útvega einhverjum þægilega innivinnu hjá virkjunaraðilanum að framkvæmdum loknum?

Einhvern veginn finnst manni slíkt vera mútur en hitt ekki. Einfaldlega vegna þess að í fyrra tilfellinu hefur sá sem styrkir greininguna enga fjárhagslega hagsmuni en í síðara tilfellinu eru þeir ríkir.

Fjandsamleg yfirtaka

Merkileg stærðfræði

Pawel Bartoszek er stærðfræðingur og áður en hann gerðist liðsmaður í stjórnmálavafstri skrifaði hann oft skynsamlega í blöðin. En nú er stærðfræðin tekin að bögglast fyrir honum held ég. Hvernig greiðir það annars fyrir umferð að gangandi vegfarendur þurfi að bíða í tvær mínútur eftir grænu ljósi? Jú, umferðin streymir vissulega framhjá meðan beðið er. En það er ekki endir málsins. Því miður virðist Pawel ekki hafa áttað sig á að umferðin stoppar nefnilega jafn lengi og áður þegar græni kallinn kemur, bara tveimur mínútum fyrr. Og hvernig greiðir það fyrir bílaumferð?

„Ljósin stillt í þágu fólks“