Grænland

Heiðarbyggð er vissulega notalegra nafn en Útnes, sem þó er fremur réttnefni, enda lítið um heiðar í Garði og Sandgerði.

Kannski hafa íbúar hugsað sér að þorp þeirra þyki eftirsóknarverðari beri þau notalegt nafn. Það er misráðið. Útnes er hressilegt og heiðarlegt nafn og vísar í merka sögu þessara þorpa. Heiðarbyggð hljómar frekar eins og gata í Hveragerði.

Ekki er úr vegi að hafa í huga markaðssetningu Grænlands á sínum tíma. Landfundamenn gáfu því notalegt nafn. Þangað flutti svo fjöldi fólks frá norrænum löndum til að stunda landbúnað í grænum sveitum Grænlands. Ekki hefur spurst til þessa fólks í nokkur hundruð ár.

 

Heiðarbyggð vinsælasta nafnið

Rekstur Hörpu

Sagt er að laun forstjórans séu ekki há í samanburði við aðra forstjóra. Það getur vel verið. En það breytir engu um að forstjórinn hefur sýnt af sér algeran dómgreindarskort með því að lækka laun lægstlaunuðu starfsmannanna um leið og hún þiggur hækkun á sínum eigin launum.

Hitt er svo annað mál hvort þarna sé endilega réttur aðili í forstjórastarfi. Ekki er vitað til þess að forstjórinn hafi neina reynslu af rekstri svona fyrirtækis. Hún sat í stjórn þess áður, það er allt og sumt. Og hver eru eðlileg laun fyrir forstjórastarf sem er í rauninni bara bitlingur úthlutað gegnum klíku, hvað á að borga svona Mikka-mús forstjóra?

Hvers vegna er ekki ráðinn forstjóri sem hefur alvöru reynslu af að reka svona hús og tengsl um allan heim til að laða að því viðburði sem standa undir háu leiguverði? Það mætti alveg borga slíkum forstjóra tíföld þessi forstjóralaun ef því er að skipta, aðeins að því gefnu að honum tækist að koma rekstri hússins í lag. Því það er á endanum það sem skiptir skattgreiðendur mestu.

Hugsi yfir viðbrögðum formanns VR

Þarf náttúrulega ekki að baka kókaínið

Mér finnst þetta eiginlega ekki vera frétt. Þegar pizza er pöntuð þarf að baka hana fyrst áður en hún er send til kaupandans. En kókaín þarf auðvitað ekki að baka.

Fá kókaín sent fyrr en pizzu

Virkir í athugasemdum

Núna meðan ég var að bíða eftir að Ísland tapaði í Júróvision kíkti ég inn á DV. Þar var frétt um einhvern prest sem keyrði of hratt. Nú eru "virkir í athugasemdum" oft meinfýsnir, en stöku sinnum koma gullkorn:

 

 

 

 

 

 

 

Trump tekur áhættu...

... en gæti vel komist upp með það. Þetta sýna fyrstu viðbrögð Írana sem eru mjög hófstillt.

Beita Írana þvingunum á nýjan leik

Snilldin ein

Það eru ekki aðeins snillingar í listheiminum sem troða upp í Hörpu því húsinu stýra snillingar í kafkaískri Mikka mús stjórnun: Laun forstjórans hækkuðu sumsé um heilan helling, en í sömu svipan og forstjórinn biður um að þau verði lækkuð aftur því starfsmennirnir, hverra laun voru lækkuð til að fjármagna forstjórakaupið, létu sig hverfa, kemur stjórnarformaðurinn fram og staðhæfir að þau hafi aldrei hækkað neitt.

Maður spyr sig hvað kemur í ljós næst?

Kannski munu nú snillingarnir staðhæfa að myljandi hagnaður sé af Hörpu þrátt fyrir allt tapið?

Hver veit?

Ekki ég, enda er ég ekki snillingur!

„Laun forstjóra hækkuðu ekki“

Blóðsugurnar

Það sýnir hve raunveruleikaskynið er orðið takmarkað þegar meðlimir verkalýðsfélaganna, sem hindra eðlilegt flæði milli starfa á vinnumarkaði, koma í veg fyrir að ungt fólk sé ráðið til starfa og hafa sjálfir lítt takmarkaðan aðgang að alls kyns bitlingum, kalla Macron, sem vill losa tak þessara blóðsuga af frönsku efnahagslífi, Dracula.

Macron mótmælt í París

Komið upp myndavélum

Væntanlega er besta lausnin sú að koma upp myndavélum. Þá ætti að vera fljótlegt að finna þennan einstakling. Þá er hægt að grípa hann og fást við hann, kannski bara með hans eigin meðulum. Svona óþverralýður á auðvitað ekki heima í mannlegu samfélagi.

Eitraður matur í húsgarði í Hveragerði

Mælikvarðinn á fegurðina heitir Birna

Það er vissulega ánægjulegt að nú skuli loks kominn algildur mælikvarði á það, hvað telst fallegt og hvað telst ljótt. 

Mælikvarðinn heitir Birna og er upplýsingafulltrúi.

Það var tími til kominn að við fengjum þennan mælikvarða enda hafa þessi mál allt of lengi verið á reiki.

 

Ekki hróflað við fallegum svæðum

Fram og aftur götuna?

Já, þetta er auðvitað einkar skynsamlegt. Það sér vitanlega hver maður að ef íbúarnir geta hjólað fram og aftur götuna sína á nýju fínu hjólastígunum er að sjálfsögðu mesti óþarfi fyrir þá að eiga bíl, enda liggur í augum uppi að þeir þurfa aldrei að fara neitt annað.

Það væri gaman að vera fluga á vegg í ráðningarviðtali hjá "Skrifstofu eigna og atvinnuþróunar", eða bara á fundi þar.

Íbúar noti hjól til jafns við bifreið