Hótelgeirinn þarf á endurnýjun að halda

Ég hef efasemdir um að bann við Airbnb sé skynsamlegt. Það er auðvitað sjálfsagt að takmarka slíka útleigu þannig að hún verði ekki úr hófi truflandi fyrir íbúa í vinsælustu hverfunum, en eftirspurnin eftir gistirými hverfur ekki neitt þótt skammtímaútleiga verði bönnuð í vinsælum hverfum. Hún færist aðeins í önnur hverfi, húsnæðisskorturinn eykst á þar, og allt situr við það sama. Þetta er nú eiginlega morgunljóst.

Vandi húsnæðismarkaðarins er í raun og veru sá hversu sveiflukennd uppbyggingin virðist ávallt vera. Ekkert er byggt árum saman, síðan kemur uppsveifla og allt of mikið er byggt á skömmum tíma. Sökin á þessu er auðvitað fyrst og fremst sveitarfélaganna. Ef samhæfing væri milli sveitarfélaga um að skipuleggja nýtt byggingarland jafnt og þétt í takt við fjölgun íbúa myndi þessi ríkisbrestur hætta að hafa þau áhrif sem hann hefur nú.

Airbnb er annars merkilegt fyrirbrigði. Staðreyndin er nefnilega sú að fólk sækir í síauknum mæli eftir að leigja sér íbúðir í stað hótelherbergja þegar það er á ferðalögum. Og ástæðan er alls ekki aðeins sú að það sé ódýrara. Það er það nefnilega alls ekki alltaf. Ástæðan er miklu fremur sú að mörgum finnst einfaldlega þægilegra og afslappaðra að dvelja í íbúð og hafa þar sína hentisemi. Plássið er meira, staðsetningin oft betri, nálægðin meiri við daglegt líf íbúa og engin þörf á að borða sífellt á veitingahúsum sem er bæði dýrt og getur orðið þreytandi kvöð til lengdar. Á meðan þessi nýi markaður vex virðist hótelgeirinn standa í stað. Það verður ekki fyrr en hótelin taka við sér og laga þjónustuframboðið að þessum nýuppgötvuðu þörfum að eftirspurn eftir íbúðaleigu tekur að dala.

 

Bann við Airbnb lausn á vandanum

Athugasemdir

[Guðmundur (IP-tala skráð) 17.3.2017 kl. 10:42]

Sammála þér. Boð og bönn leysa ekki neitt. Það hlítur að vera hagfellt fyrir landsmenn að þessi starfssemi þrífist eins og annað. Á að banna bílaleigum að leigja bíla nema 90 daga á ári? Menn gleyma alveg ruðningsáhrifunum af Airbnb og eins og skattmann sagði í viðtali á mbl.is þá eru margir sem greiða skatta af þessari starfssemi og það er betra að frá 20 prósent af 4 millum en 20 prósent af 2 millum á venjulegum leigumarkaði. Annars er hótelmafían sem er að taka allt yfir að berja á almenningi í þessu landi og það er eðlilegt þegar það er uppgangur og hörgull á gistirými að fleiri leggi eitthvað til málanaa.

Auðvitað er það skelfilegt að ekki séu til fleiri íbúðir á markaðinn en menn gleyma líka þeirri staðreynd að 4 hver einstaklingur í Reykjavík eru útlendingar sem eru m.a. að vinna í ferðaþjónustunni og þeir eru að leigja fullt af íbúðum. Hvar halda menn að þetta fólk búi?

Grímur Sæm. talar um að loka ætti á Airbnb veit hann ekki að margir af þeim ferðamönnum sækja okurlónið heim. Á sama tíma geta bílaleigur leigt fólki drápstæki og sent það út á vegi án þess að hafa reynslu og þekkingu til þess að keyra stóra og öfluga bíla.

Það er margt öfugsnúið í ferðamennskunni. Er það ekki staðreynd að einn ferðaþjónustan er einna stærst í undanskotum sé vísað í fræga skýrslu RSK um málið. Eru menn ekki að hrauna úr glerhúsi? Það er fullt af fólki sem borgar skattana sína með glöðu geði. Reyndi sjálfur að fá leyfi frá Sýslumanni og Heilbrigðiseftirlitinu og Brunaeftirlitinu en mætti ekkert annað en ósvífni og skort á samvinnuvilja þessara aðila sem að vísuðu hver á annan.

[Guðmundur (IP-tala skráð) 17.3.2017 kl. 10:59]

Sammála þér. Boð og bönn leysa ekki neitt. Það hlítur að vera hagfellt fyrir landsmenn að þessi starfssemi þrífist eins og annað. Á að banna bílaleigum að leigja bíla nema 90 daga á ári? Menn gleyma alveg ruðningsáhrifunum af Airbnb og eins og skattmann sagði í viðtali á mbl.is þá eru margir sem greiða skatta af þessari starfssemi og það er betra að frá 20 prósent af 4 millum en 20 prósent af 2 millum á venjulegum leigumarkaði. Annars er hótelmafían sem er að taka allt yfir að berja á almenningi í þessu landi og það er eðlilegt þegar það er uppgangur og hörgull á gistirými að fleiri leggi eitthvað til málanaa.

Auðvitað er það skelfilegt að ekki séu til fleiri íbúðir á markaðinn en menn gleyma líka þeirri staðreynd að 4 hver einstaklingur í Reykjavík eru útlendingar sem eru m.a. að vinna í ferðaþjónustunni og þeir eru að leigja fullt af íbúðum. Hvar halda menn að þetta fólk búi?

Grímur Sæm. talar um að loka ætti á Airbnb veit hann ekki að margir af þeim ferðamönnum sækja okurlónið heim. Á sama tíma geta bílaleigur leigt fólki drápstæki og sent það út á vegi án þess að hafa reynslu og þekkingu til þess að keyra stóra og öfluga bíla.

Það er margt öfugsnúið í ferðamennskunni. Er það ekki staðreynd að einn ferðaþjónustan er einna stærst í undanskotum sé vísað í fræga skýrslu RSK um málið. Eru menn ekki að hrauna úr glerhúsi? Það er fullt af fólki sem borgar skattana sína með glöðu geði. Reyndi sjálfur að fá leyfi frá Sýslumanni og Heilbrigðiseftirlitinu og Brunaeftirlitinu en mætti ekkert annað en ósvífni og skort á samvinnuvilja þessara aðila sem að vísuðu hver á annan.