Góðar fréttir

Það er gott að forsætisráðherra skuli nú taka þetta mál upp. Það er leitun að góðum röksemdum fyrir því að staðsetja spítalann við Hringbrautina, hvað þá fyrir því að dreifa honum yfir allt þetta svæði í stað þess að byggja hátt og þétt. Helstu rökin virðast þau að það sé "löngu búið að ákveða þetta", það megi "alls ekki bakka" og annað af þeim toga. Engin raunveruleg rök.

Nýr Landspítali í Efstaleiti?

Athugasemdir

[Þorsteinn Siglaugsson, 2.4.2015 kl. 12:36]

Í hádegisfréttum í dag er svo dregin fram enn ein gamalkunnug falsröksemd - það sé "búið að eyða svo miklu í hönnunina". Slíkar "sunk cost" röksemdir eru eitt elsta bragðið í bókinni þegar menn eru rökþrota: Sokkinn kostnaður kemur aldrei aftur og því skiptir hann aldrei máli þegar taka á ákvörðun. Ef menn vilja tala um kostnað verða þeir að bera saman kostnaðinn við að halda áfram á sama stað og kostnaðinn við að byrja að nýju á nýjum stað. Það sem búið er að eyða skiptir ekki máli.