Versnar í því

Jæja, þá stefnir í að ástandið hér verði eins og í öðrum löndum þar sem áfengi er afgreitt í matvöruverslunum. Lítum bara á Þýskaland, Grikkland, Frakkland, Bretland, Danmörku, Sviss, Holland, að ekki sé talað um Bandaríkin. Þarna liggur fólk hvert innan um annað, niður í ómálga börn, ósjálfbjarga af drykkjuskap og vesaldómi. Viljum við þetta virkilega, Íslendingar?

Áfengisfrumvarp afgreitt

Athugasemdir

[Jón Þórhallsson, 27.2.2015 kl. 13:14]

Ef að fólk er óánægt með stefnu xd

þá verður fólk að mæla með öðrum flokkum:

http://thjodarskutan.blog.is/blog/thjodarskutan/entry/1456407/

[Gamli (IP-tala skráð) 27.2.2015 kl. 14:37]

Hagfræðingur með húmorinn að vopni. Það er nauðsynlegt.

[Sverrir Einarsson, 27.2.2015 kl. 14:57]

Ég hef ekki víða farið um heiminn, ég hef séð áfengi í matarbúðum á spáni og danmörku, ekki hef ég séð áfengi í matarbúðum  í Florida eða Georgíu þar  (í usa) er eins og allstaðar séu sérstakar brennivínsbúðir þó margt annað óhollt megi finna í matvöruverslunum þar í  landi.

[Þorsteinn Siglaugsson, 27.2.2015 kl. 21:15]

Ég hef ekki komið til Georgíu en þar sem ég hef verið á Florida, bæði í Palm Beach og Orlando, fæst vín í Walmart.

[Þorsteinn Siglaugsson, 27.2.2015 kl. 21:16]

Það fæst meira að segja bjór á bensínstöðvum í Florida, enda liggur almenningur þar í ólifnaði alla daga.

[Már Elíson, 27.2.2015 kl. 23:14]

Satt er það, herra Þorsteinn. - Á Spáni (hef ég næstum því séð) fellur fólk í gólfið nær dauða en lífi af áfengiseitrun í verslunum, stórmörkuðum, börum, bensínstöðum og jafnvel bara að horfa á þenna óbjóð...Vík, vík frá mér...Mér er sem ég þurfi að horfa upp á þetta í Krónunni...Einhver forði mér frá því...Hvar eru góðtemplararnir með spjöldin á lofti núna ?